Verse 1:
Ua fokun riaffou
O kuna turunfos,
Ren chon fonufan ei
Resap tongei inisi,
A fokun tatakis
Pokiten chon tipis,
Ua mwarei ar tipis
Kana meinisin
Verse 2:
Iei ua pusin mwarei
Ai we irapenges,
Mi chourek ren tipis
Tipisin chon fonufan ei,
Ra atufa inisi
Pwal pesu lepeki
Ra pwal pesapei ei
Mwarei mi folufol
Verse 3:
Iei letipan Semei
Ngeni chon fonufan,
Pwe upwe riaffou
Fan iten meinisin,
Pwe epwe pwenuata
Popun ai uputiw,
Pun chon luku repwe
Kuna manau esemuich
Verse 4:
Ua fokun riaffou
Pwata kosap tongei,
Kopwe fiti mwarei
Ai we irapenges,
Pun ua fokun weires
Le mwarei ei ira,
Fetal fetal tori
Won chuukin Calgotha
Chorus:
Iei popun ua malo
Fan itom pwal fan iten meinisin
Pwe upwe achaisefali
Letipen Kot ngeni ami aramas
Iei popun ua
Mut ngonuk
Kopwe pusin filata
Met kopwe fori
Eitwa ai ei tong
Are “isi kilei” (2x)
Heliner Syne ’88